亦錯過左頭三日可以家長陪上堂既日子.
day 1
今個星期一(Aug11)先係佢第一個返學日.
一三五著運動服 |
果日我負責送佢返.
黎到課室, 聽老師既口吻, 我其實可以留低陪佢 (可能因為之前我地錯過左).
但我覺得遲早都係要佢一個去面對, 所以都無留低 (係果斷定狠心?).
同佢byebye既時候, 佢都無乜野, 可能未識驚.
到放學婆婆去接佢, 話全班大合唱緊, 無喊既得幾個.
好彩田鼠b一抱上手就無事.
果晚, 我問佢返學好唔好玩, 佢竟然答"好玩"....
究竟佢知唔知自己講緊乜?
day 2
星期二, 朝早喺屋企換校服時出現小小阻力.
不過平時換衫不嬲都有阻力, 呢個問題應付開無難度.
逢二四著校服 |
不過婆婆放學接既時候佢又無喊喇喎.
day 3
星期三, 黃雨休息一天.
day 4
到左今日星期四, 朝早換校服又出現阻力.
堅持要帶埋呢隻野先肯出去, 兼指明要擺落我個袋 (好彩個tote袋夠大).
價值不菲既柯柏文 前面睇都幾型仔既 |
後面就... 好似揹住個龜殼咁seven |
送時喊, 接時都喊.
-------------------
阿仔, 你估你會喊到幾時呢?
(上網睇見有啲人話喊足一年, 我好驚.)
不過其實呢, 諗深一層, 喊都係正常既表現.
話晒佢出世咁耐, 未試過同屋企人分開, 一下子好難接受.
仲要啱啱病完, 佢已經比平時黐身左.
需要時間慢慢去適應, 都好正常.
加上又未太識用言語表達自己, 所以咪喊囉.
反而婆婆成日話心痛, 搞到我個心有啲亂....
"強烈不滿我人仔細細就要返學" |
喊喊下會麻木架喇... (我指你同婆婆... :D)
回覆刪除習慣左返學見唔到你地無得嗲就會好~ 我都係度諗緊之後無得陪個幾日點, 實好震撼!
最好無得陪, 但有得偷偷喺出面觀察 :7
刪除我反而擔心有日佢地頭也不回直衝入學校, 我會接受吾到當場... :((
回覆刪除完全無諗過呢樣...距離我太遙遠 :))
刪除其實都算叻啦...起碼唔係返學喊到放學嘛, 相信好快田鼠B就會完全適應唔再喊架喇~
回覆刪除hope so la!
刪除又有野食又有野玩, 都唔知佢喊乜
其實而家喊下都正常既,如果喊足一年咁就真係驚D~
回覆刪除唔敢想像喊一年係咩情境 @-)
刪除堅持要帶埋呢隻野先肯出去, 兼指明要擺落我個袋 (好彩個tote袋夠大).<==你真堅喎肯帶呢隻野出去仲要放落自己個袋!!
回覆刪除應該好快冇事架喇,一星期應該適應到。加油呀~
你忘記左我既別名係"慈母"...
刪除當日日有個人喺田鼠b隔離又話心痛又話想喊, 相信佢更難去適應囉...
一仔个班主任話快既,喊兩个星期喎!
回覆刪除田鼠b個校長話喊一個月到喎 :D
刪除喊真係好正常,呢個係階段ma... 希望田鼠b 喊多一排好啦, 佢而家係咪返全日?
回覆刪除慢慢咁加上去.
刪除頭一個禮拜1.5hr, 今個禮拜2.5hr, 下個3.5hr...
My son cried for 2 months. Don't worry, he will be fine soon.
回覆刪除果兩個月, 每朝出門口有無阻力?
刪除我們都是這樣長大的, 哈哈,有得玩好快乜都唔記得LU, 放心放心
回覆刪除其實我ok ga. 反而身邊有人既反應令我更愁
刪除田鼠B會叻叻~ 好快唔喊ga喇~~!!!
回覆刪除hope so la!
刪除唔係每朝要tum一輪先出門口.. :-w
田鼠 b 套校服好靚呀,著起來好型仔添 ^^
回覆刪除嘻....好在田鼠B叫你袋住柯柏文喳,如果佢要袋落自己個書包仔仲大獲....嘻.....^^"
佢個書包留喺婆婆度唔拎番屋企架. 嘻嘻 :D
刪除田鼠b, 加油快d適應, 唔好再令婆婆媽媽憂心啦~~~
回覆刪除睇佢今朝既表現, 應該仲要等多一段日子 :-w
刪除好狠心呀~不過田鼠b都好好呀~鐘意返學~
回覆刪除佢把口咁講咋, 暫時睇唔到佢有幾鍾意囉 @-)
刪除田鼠b既然話好玩即學校入面都真係好好玩啦,我估佢好快就習慣唔喊啦
回覆刪除hope so la!
刪除明明學校有野食又有野玩, 係無左我地囉...
小朋友一開始返學喊都好正常o既,依個係成長過程黎,好快田鼠b就會克服到架啦 :)
回覆刪除肚b 9月都開學啦,唔知佢又要喊幾耐呢,我既期待又緊張呀 ^o^
到時應該幾刺激, 等你update呀!
刪除係啦, D婆婆成日見個孫喊就話心痛, 我成日問返我阿媽: 我細個喊又唔見你心痛!!! 搞到我有時惡少少對阿囡好似千古罪人咁!!!
回覆刪除帶住隻柯柏文出街都唔少野....
婦人之仁 ~X(
刪除禽日出街又係拎住隻柯柏文呀!!!!!
哈哈, 我接囡時, 係幾班一齊大合湊架, 場面壯觀, 但我覺好好笑... :P
回覆刪除帶柯柏文出街好得...
我其實都覺得好好笑
刪除喊到好凄涼咁 :))
唔洗我著到柯柏文咁已經要多謝佢 :-w
我都係婆婆心態,見到佢哋喊,我都會心都痛埋
回覆刪除咁你交俾其他人送佢返學好啲 :P
刪除